کراچی میں پولیس اور انتہائی مطلوب ملزم کے درمیان فائرنگ کے تبادلے میں لیاری گینگ کا اہم کارندہ ہلاک ہوگیا۔
پولیس کے مطابق پاک کالونی پرانا گولیمار میں پولیس اور انتہائی خطرناک و مطلوب ملزم کے درمیان فائرنگ کا تبادلہ ہوا جس کے نتیجے میں ایک ملز مارا گیا جب کہ ہلاک ملزم کے قبضے سے پستول، رائفل اور گولیاں برآمد کرلی گئی۔
پولیس نے بتایا کہ ہلاک ملزم کی شناخت انوار عرف کوجک کے نام سے ہوئی جو 17 سے زائد سنگین مقدمات میں پولیس کو مطلوب تھا اور لیاری گینگ وار کے بھتہ خور سرغنہ جمیل چھانگہ کا اہم کارندہ تھا۔
اس کے علاوہ ملزم پر اغوا برائے تاوان، بھتہ خوری، دھماکا خیز مواد، قتل، اقدام قتل، ڈکیتی، غیر قانونی اسلحہ، منشیات اور پولیس پر فائرنگ جیسے سنگین مقدمات درج تھے۔
پولیس کے مطابق ملزم اس سے قبل تھانہ کلری، پاک کالونی اور ایس آئی یو سی میں گرفتار بھی ہوچکا تھا، ہلاک ملزم تاجروں سے بھتہ طلبی میں ملوث تھا اور بھتے کی پرچیوں کے ساتھ گولی بھی بھیجتا تھا۔
Leave a Reply