ویسٹ انڈیز کے خلاف دوسرے ٹیسٹ میں پاکستان ٹیم کی جانب سے دو نئے کھلاڑیوں کو شامل کیا گیا ہے۔
دو میچوں کی سیریز کے ڈو آر ڈائی میچ میں قومی ٹیم کے دو کھلاڑی ڈیبیو کر رہے ہیں۔ نوجوان فاسٹ بولر عبید شاہ کو محمدعباس اور مڈل آرڈر بلے باز اویس ظفر کو ٹیم میں شامل کیا گیا ہے۔
کپتان بابراعظم نے دونوں پلیئرز کو ٹیسٹ کیپ دی۔
اس اہم میچ کےلیے قومی ٹیم میں چار تبدیلیاں کی گئی ہیں عبداللہ شفیق اور ساجد خان کو بھی ٹیم کاحصہ بنایا گیا ہے۔
بابراعظم بطور کپتان ایک سوپچاس ویں انٹرنیشنل میچ میں پاکستان کی نمائندگی کررہے ہیں۔
پورٹ آف اسپین میں کھیلے جارہے میچ میں ویسٹ انڈیز نے پاکستان کیخلاف ٹاس جیت کر بیٹنگ کا فیصلہ کیا ہے۔
ٹاس کے موقع پر گفتگو کرتے ہوئے کپتان بابراعظم نے کہا کہ ٹاس جیتتے تو ہم بھی پہلے بیٹنگ ہی کرتے، پلان سادہ ہےخود پر بھروسہ ہے اور مثبت کرکٹ کھیلیں گے۔
میزبان کپتان روسٹن چیز نے کہا کہ چاہتے ہیں ہوم گراؤنڈ کو اپنا قلعہ بنائیں، ویسٹ انڈیز کی ٹیم میں کوئی تبدیلی نہیں کی گئی۔
