روس نے الزام عائد کیا کہ یوکرین نے بچوں کے ہاسٹل پر حملہ کرکے 6 افراد کو ہلاک کیا۔
غیر ملکی میڈیا رپورٹس کے مطابق روسی صدر ولادیمیر پیوٹن نے دعویٰ کیا کہ یوکرین نے رات گئے لوہانسک ریجن میں اسکول بچوں کے ہاسٹل پر حملہ کیا جس کے نتیجے میں 6 افراد ہلاک اور 39 زخمی ہوگئے، پیوٹن کے مطابق حملے کے بعد سے 15 افراد تاحال لاپتا ہیں۔
رپورٹ میں روسی حکام کا حوالہ دیتے ہوئے بتایا گیا کہ حملے کے وقت ہاسٹل میں 86 بچے موجود تھے۔
روسی صدر نے یوکرین پر جان بوجھ کر شہریوں کو نشانہ بنانےکا الزام عائد کرتے ہوئے کہا کہ یوکرین نے حملہ کرکے دہشتگردانہ کارروائی کا ارتکاب کیا، پیوٹن نے یوکرین کو سخت جواب دینے کے لیےفوج کو تیار رہنے کا حکم بھی دیدیا۔
دوسری جانب یوکرین نے بچوں کے ہاسٹل پر ڈرون حملے کی روسی الزام کی تردید کردی۔
Leave a Reply