آسٹریا کی فضا میں پیراگلائیڈر خاتون اور طیارے کے درمیان خوفناک تصادم ہوا۔
غیر ملکی میڈیا رپورٹس کے مطابق آسٹریا کے علاقے پیسینڈورف (Piesendorf) میں سبرینا نامی 44 سالہ خاتون پیراگلائیڈنگ کررہی تھیں کہ اس دوران انہیں ایک خوفناک حادثے کا سامنا کرنا پڑا۔
میڈیا رپورٹس میں بتایا گیا ہے کہ پیراگلائیڈر خاتون فضا کی سیر سے لطف اندوز ہورہی تھیں کہ اچانک ایک چھوٹا طیارہ آیا اور خاتون کے پیراشوٹ سے ٹکرا گیا۔
میڈیا رپورٹس کے مطابق خاتون اس دوران ویڈیو بھی بنا رہی تھیں جو کیمرے کی آنکھ میں محفوظ ہوگئی۔
ویڈیو میں دیکھا جاسکتا ہے کہ خاتون کا پیراشوٹ طیارے سے ٹکرانے کے بعد پھٹ گیا جس سے خاتون تیزی سے زمین پر گرنے لگیں تاہم خاتون نے اپنی حاضر دماغی کا استعمال کرتے ہوئے ہنگامی پیراشوٹ کو کھولا اور زمین پر باحفاظت اتر گئیں۔
میڈیا رپورٹس میں مزید بتایا گیا کہ خوش قسمتی سے طیارے کو اڑانے والا 28 سالہ پائلٹ اور خاتون دونوں اس تصادم میں محفوظ رہے۔
Leave a Reply