وزیرِ اعظم شہباز شریف دورہ چین کے دوران آج بیجنگ میں مصروف ترین دن گزاریں گے۔
ذرائع کے مطابق وزیرِاعظم شہباز شریف کی آج چین کے صدر شی جن پنگ، وزیراعظم لی چیانگ اور اعلیٰ چینی قیادت سے ملاقاتیں ہوں گی۔
وزیراعظم کوگریٹ ہال آف دی پیپلز آمد پر گارڈ آف آنر پیش کیا جائے گا اور چینی وزیراعظم لی چیانگ ان کا استقبال کریں گے۔
دونوں وزرائے اعظم کی وفود کی سطح پر ملاقات ہوگی جس دوران دونوں وزرائے اعظم پاک چین مفاہمتی یادداشتوں اور معاہدوں کے تبادلے کی تقریب میں بھی شرکت کریں گے۔
بعد ازاں وزیراعظم وفد کے ہمراہ تیانمن اسکوائر میں عوامی ہیروز کی یادگارپرحاضری دیں گے اور پھولوں کا گلدستہ رکھیں گے۔
دورے کے دوران وزیراعظم کی معروف چینی سرمایہ کاروں اور چینی کمپنیوں کے سی ای اوز سے بھی ملاقاتیں ہوں گی۔
مزید برآں وزیرِاعظم اعلیٰ چینی قیادت کےہمراہ پاک چین سفارتی تعلقات کی75ویں سالگرہ سے متعلق منعقدہ تقریب میں بھی شرکت کریں گے۔
Leave a Reply