کراچی: چیئرمین پاکستان پیپلزپارٹی بلاول بھٹو زرداری سے پیپلز لائرز فورم سندھ کے صدر قاضی بشیر ایڈووکیٹ نے بلاول ہاؤس کراچی میں اہم ملاقات کی، جس میں وکلاء برادری کو درپیش مسائل، قانونی شعبے کی بہتری اور تنظیمی امور پر تفصیلی تبادلہ خیال کیا گیا۔
قاضی بشیر ایڈووکیٹ نے پیپلز لائرز فورم سندھ کی تنظیمی سرگرمیوں، جاری پروگرامز اور مستقبل کے لائحہ عمل پر بریفنگ دیتے ہوئے وکلاء برادری کو درپیش چیلنجز اور ان کے حل کے حوالے سے تجاویز پیش کیں۔
چیئرمین پیپلزپارٹی نے وکلاء برادری کے کردار کو جمہوریت، آئین کی بالادستی اور انسانی حقوق کے تحفظ کے لیے نہایت اہم قرار دیتے ہوئےکہا کہ پاکستان پیپلزپارٹی ہمیشہ قانون کی حکمرانی اور وکلاء کے جائز حقوق کے تحفظ کے لیے اپنا مؤثر کردار ادا کرتی رہےگی۔
ملاقات میں موجودہ سیاسی صورتحال، پارٹی امور اور عوامی مسائل پر بھی گفتگو کی گئی، جبکہ اس عزم کا اظہار کیا گیا کہ پاکستان پیپلزپارٹی عوامی خدمت، جمہوری استحکام اور آئینی اداروں کے تحفظ کے مشن کو مزید مؤثر انداز میں آگے بڑھائےگی۔
Leave a Reply