واٹس ایپ کی جانب سے میسجنگ پلیٹ فارم کے ویب ورژن میں ایک بڑی اپ ڈیٹ کی جا رہی ہے۔
Wabetainfo کی رپورٹ کے مطابق واٹس ایپ کی جانب سے ویب ورژن میں کسٹمائز ایبل چیٹ تھیمز فیچر کی آزمائش کی جا رہی ہے۔
رپورٹ میں بتایا گیا کہ ابھی اس فیچر پر کام جاری ہے مگر کمپنی کی جانب سے واٹس ایپ ویب ورژن کو بہت زیادہ بہتر بنایا جا رہا ہے۔
عام طور پر میٹا کی زیر ملکیت میسجنگ ایپ کی جانب سے واٹس ایپ ویب میں پرسنلائزیشن فیچرز پر زیادہ توجہ مرکوز نہیں کی جاتی۔
ابھی واٹس ایپ ویب میں عموماً میسجنگ پر زیادہ توجہ مرکوز کی جاتی ہے اور انٹرفیس فیچرز پر زیادہ کام نہیں کیا جاتا۔
مگر نئی رپورٹ کے مطابق نئی چیٹ تھیمز سے صارفین میسج ببل کے رنگوں، وال پیپرز اور چیٹ بیک گراؤنڈ کو ویب براؤزر کے اندر ہی بدل سکیں گے۔
یہ فیچر واٹس ایپ ویب کی سیٹنگز میں چیٹ ھیم سیکشن کے اندر دیا جائے گا جس سے صارفین ہر چیٹ کے لیے مختلف تھیم کو استعمال کرسکیں گے۔
چیٹ انفو پیج میں بھی یہ آپشن دیے جانے کا امکان ہے جس سے مخصوص چیٹس کی تھیم کو آسانی سے بدلا جاسکے گا۔
واٹس ایپ کی جانب سے ویب ورژن کے لیے 40 سے 50 تھیمز کو تیار کیے جانے کا امکان ہے۔
یہ تمام تھیمز صرف آپ تک ہی محدود رہیں گی اور جس چیٹ پر کیا جائے گا، اس میں موجود افراد کو اس کا علم نہیں ہوسکے گا۔
جیسا اوپر درج کیا جاچکا ہے کہ ابھی اس فیچر کی تیاری پر کام کیا جار ہا ہے تو اسے کب تک متعارف کرایا جائے گا، ابھی یہ کہنا مشکل ہے۔
Leave a Reply