ترکیہ میں ایسا کیا ہوا کہ رشنا خان دوبارہ ترکیہ نہیں گئیں؟

[ad_1]

پاکستانی شوبز انڈسٹری کی اُبھرتی ہوئی اداکارہ رشنا خان نے ترکیہ میں پیش آنے والا ناخوشگوار واقعہ سناتے ہوئے بتایا کہ وہ دوبارہ ترکیہ کیوں نہیں گئیں۔

حال ہی میں اداکارہ نے جیو نیوز کے پروگرام ہنسنا منع ہے میں بطور مہمان شرکت کی جہاں انہوں نے میزبان تابش ہاشمی سے کھٹی میٹھی گفتگو کی۔

رشنا نے کہا کہ میں بچپن میں کبھی ڈاکٹر، کبھی وکیل تو کبھی فلم کی ہدایتکارہ بننا چاہتی تھی، میرا کبھی ایک جگہ فوکس نہیں رہا لیکن آج میں اداکارہ بن گئی ہوں۔

اُنہوں نے ترکیہ میں پیش آنے والا ناخوشگوار واقعہ بھی سنایا کہ کس طرح ان کا فون چوری ہوگیا تھا۔

رشنا خان نے کہا کہ میرا ترکیہ کا دوسرا دورہ تھا لیکن مجھے نہیں معلوم تھا کہ وہاں بھی اسٹریٹ کرائم عام ہیں۔

ان کا کہنا تھا کہ سردیوں کا موسم تھا اور میرا ترکیہ میں دوسرا دن تھا، مجھے راستہ سمجھ نہیں آرہا تھا تو نوجوانوں نے میری مدد کی اور کہا کہ پیچھے پیچھے آجائیں، میں بھی انہیں فالو کرنے لگی، اسی دوران برفباری ہو رہی تھی تو میں نے ویڈیو ریکارڈ کرکے اپنا فون جیب میں رکھا اور 2 سے 3 منٹ بعد میرا فون جیب سے غائب ہوگیا۔

انہوں نے کہا کہ مجھے کراچی میں کبھی اسٹریٹ کرائم کا سامنا نہیں کرنا پڑا لیکن ترکیہ میں میرے ساتھ ایسا ہوا جس کے بعد میرا دوبارہ ترکیہ جانے کا دل نہیں کیا۔

[ad_2]

Source link