بالی وڈ اداکارہ و سیاسی رہنما کنگنا رناوت نے جہیز کی مانگ پر بڑھتی دلہنوں کی موت پر خواتین کو شادی سے پہلے اپنے کیرئیر پر توجہ دینے کا مشورہ دے دیا۔
اداکارہ نے انسٹاگرام پر اسٹوری پوسٹ کی جس میں انہوں نے کہا کہ نوجوان شادی شدہ خواتین کے بارے میں ہر روز بہت سی افسوسناک خبریں آتی رہتی ہیں، ان میں سے بہت سی پڑھی لکھی لڑکیاں اپنے والدین سے گھٹن زدہ ماحول سے باہر نکالنے کے لیے التجا کرتی ہیں کہ اس سے پہلے کہ وہ سانحات کا شکار ہو جائیں، لیکن بھارتی معاشرہ بیٹیوں کو شادی کے بعد چھوڑنے کے لیے بدنام ہے۔
انہوں نے لکھا کہ نوجوان خواتین کو میرا مشورہ ہے جو کوئی سوشل میڈیا یا فیشن/ڈیٹنگ/ویڈنگ/میک اپ انڈسٹری آپ کو نہیں بتا رہی ہے، آپ کا کیرئیر زندگی میں کسی بھی شخص سے زیادہ اہم ہے، اس لیے خود مختار ہونے کے بعد ہی شادی کے بارے میں سوچیں۔
اداکارہ نے خواتین سے درخواست کرتے ہوئے مزید لکھا کہ برائے مہربانی آپ کو اپنا ہیرو خود بننا ہے،کوئی آپ کو بچانے نہیں آئے گا، آپ کیا ہیں اور کیا کرتے ہیں یہ اس سے زیادہ اہم ہے کہ آپ کس سے شادی کررہے ہیں، اپنی خواہش کے مطابق زندگی کو بنائیں اور کسی کی نہ سنیں۔
واضح رہے نوئیڈا سے تعلق رکھنے والی 33 سالہ اداکارہ تویشا شرما رواں ماہ کی 12 تاریخ کو بھوپال میں اپنے شوہر وکیل سمرتھ سنگھ کے گھر پر مردہ پائی گئی تھی۔
پولیس نے اداکارہ کے والدین کی مدعیت میں تویشا شرما کے شوہر اور ساس گری بالا سنگھ کے خلاف بہو کو جہیز کے لیے ہراساں کرنے اور خود کشی کے لیے اکسانے کا مقدمہ درج کیا ہے۔
Leave a Reply