[ad_1]
آزاد کشمیر کے وزیراعظم فیصل ممتاز راٹھور نے کہا ہے کہ عوامی ایکشن کمیٹی کے احتجاج کا اِس وقت کوئی جواز نہیں، ریاست کے پاس اختیار ہے احتجاج کو روک بھی سکتی ہے، عوامی ایکشن کمیٹی آئے ہمارے ساتھ حکومت کا حصہ بن جائے۔
جیو نیوز سے خصوصی گفتگو کرتے ہوئے فیصل ممتاز راٹھور کا کہنا تھاکہ ہم یہ نہیں کہتے کہ احتجاج کرنا غلط بات ہے، عوامی ایکشن کمیٹی کے معاملات کو سنجیدگی سے لے رہے ہیں اور عوامی ایکشن کمیٹی کے مطالبات پر کوئی تاخیر نہیں کی۔
ان کا کہنا تھاکہ معاہدے میں کچھ پر نوٹیفکیشن ہو گئے ہیں اور کچھ پر عملدرآمد جاری ہے، عوامی ایکشن کمیٹی کی جذباتی کیفیت میرے لیے حیران کن ہے، ریاست کو آگے لے کر جانا ہے تو مل بیٹھ کر بات کرنا ہو گی۔
وزیر اعظم آزاد کشمیر کا کہنا تھاکہ آج پوری وفاقی حکومت ایک ایک چیز کا نوٹس لے رہی ہے، عوامی ایکشن کمیٹی کے احتجاج کا اِس وقت کوئی جواز نہیں، معاہدے میں قائمہ کمیٹیوں کا ذکر نہیں کمیٹیاں اسمبلی بناتی ہے۔
ان کا مزید کہنا تھاکہ ریاست کے پاس اختیار ہے احتجاج کو روک بھی سکتی ہے، عوامی ایکشن کمیٹی آئے ہمارے ساتھ حکومت کا حصہ بن جائے، ریاست ان کو آنر شپ دینے اورساتھ لے کر چلنے کو تیار ہے، جب احتجاج ہوا اوراسے روکنے کی کوشش کی گئی تو دونوں طرف نقصان ہمارا ہی ہوا ہے۔
فیصل ممتاز نے کہا کہ پوری کوشش ہے ایک لمحہ بھی تاخیر نہ ہو اور بروقت انتخابات کروائے جائیں، مجھے نہیں لگتا ابھی جس طرح کا ماحول ہے لوگ سڑکوں پر آنا پسند کریں گے، امید ہے جلد چیف الیکشن کمشنر کی تقرری ہو جائے گی۔
[ad_2]
Source link
Leave a Reply