ریاض: مکہ مکرمہ میں حج سکیورٹی فورس نے کارروائی کرتے ہوئے حج ضوابط کی خلاف ورزی پر 6 پاکستانی شہریوں کو گرفتار کرلیا۔
عرب میڈیا کے مطابق ایک پاکستانی شہری پرحج پرمٹ کے بغیر مکہ مکرمہ میں قیام کا الزام ہے۔
اس کے علاوہ 5 دیگرپاکستانیوں کو بغیر پرمٹ عازمین حج کے لیے سہولت فراہم کرنےکے الزام میں گرفتارکیاگیا۔
خیال رہے کہ سعودی وزارت داخلہ نے حج پرمٹ کی خلاف ورزی پر 20 ہزار ریال سے ایک لاکھ ریال تک جرمانے اور سخت سزاؤں کا اعلان کیا ہے۔
حج ویزہ ہولڈر کے علاوہ کسی کو بھی 18 اپریل 2026 سے مکہ مکرمہ میں داخل ہونے یا وہاں قیام کرنے کی اجازت نہیں ہے۔حج ویزا ہولڈر کے علاوہ دیگر وزٹ یا دیگر اقسام کے عارضی ویزا رکھنے والوں کا اس مدت کے بعد مکہ مکرمہ میں قیام غیر قانونی تصور ہوگا۔
سعودی حکام کی جانب سے عمرہ ویزا ہولڈرز کو سختی سے ہدایت کی گئی تھی کہ وہ 18 اپریل 2026 تک اپنے ملکوں کو روانہ ہو جائیں، بصورت دیگر 50 ہزار ریال تک جرمانہ،6 ماہ تک قید اور بے دخلی کا سامنا کرنا ہوگا۔
Leave a Reply