بالی ووڈ اداکار عمران ہاشمی کی فلم ’آوارہ پن 2‘ کو یش کی’ ٹاکسک‘ اور سنی دیول کی ’بٹوارہ‘ پر برتری حاصل ہونے کی وجہ سامنے آگئی ہے۔
بھارتی میڈیا رپورٹ کے مطابق آوارہ پن 2 کو سینٹرل بورڈ آف فلم سرٹیفیکیشن (سی بی ایف سی) کی طرف سے ’یو اے‘ سرٹیفکیٹ دیا گیا ہے جو اسے اگست کی چند بڑی ریلیز میں سے ایک بناتا ہے۔
اس کے برعکس سنی دیول کی فلم ’بٹوارہ 1947‘ کو مبینہ طور پر اے سرٹیفکیٹ ملا ہے جب کہ یش کی ٹاکسک اور مرزا پور کو بھی مواد کے پیش نظر اے سرٹیفکیٹ ملنے کی توقع ہے۔
Lifestyle News – Latest Entertainment News, Celebrity Gossip
اس سے آوارہ پن 2 کو باکس آفس پر فائدہ ملتا ہے۔ یو اے 16 پلس سرٹیفکیٹ کے ساتھ، فلم زیادہ وسیع تر ناظرین، والدین کے ساتھ کم عمر افراد کے لیے قابل رسائی ہے۔
عمران ہاشمی کے آوارپن 2 کے پاس اگست کی ریلیز ونڈو کے دوران فیملی کے ترجیحی انتخاب کے طور پر ابھرنے کا ایک مضبوط موقع ہے۔
واضح رہے کہ آوارہ پن 2 میں عمران ہاشمی اور دیشا پٹانی نے مرکزی کردار نبھایا ہے اور اس کے ہدایت کار نتن ککڑ ہیں جبکہ یہ فلم 14 اگست کو سنیما گھروں کی زینت بنے گی جس کا ٹریلر بھی جاری کردیا گیا ہے۔
