یوکرین کے صدر زیلنسکی نے روسی صدر پیوٹن سے جنگ ختم کرنے کا مطالبہ کرتے ہوئے دوطرفہ ملاقات کی پیشکش بھی کردی ۔
خبر ایجنسی کے مطابق صدر زیلنسکی نے روسی صدر کو خط میں لکھا کہ لڑائی بہت ہوچکی، اب پیوٹن کو فیصلہ کرنا ہے، یوکرین مذاکرات کے دوران جنگ بندی کے لیے تیار ہے۔
خط میں کہا گیا ہے کہ اگر روس جنگ بندی کیلئے تیار نہیں ہوگا تو یوکرین لڑنے کیلئے تیار ہے ۔ روسی فوج اس سال ڈونیٹسک کے علاقے پر قبضہ نہیں کر سکے گی ۔
ترجمان کریملن کے مطابق زیلنسکی کا خط ابھی صدرپیوٹن کے سامنے پیش نہیں کیا گیا، زیلنسکی جب چاہیں ماسکو آکر صدرپیوٹن سے ملاقات کرسکتے ہیں۔،
واضح رہے کہ روس نے حال ہی میں یوکرین کا 2440 مربع کلومیٹر کا علاقہ قبضے میں لیا، روسی فوج یوکرین میں پیش قدمی کر رہی ہیں۔
صدرپیوٹن نے سینٹ پیٹرزبرگ اکنامک فورم کے دوران میڈیا سے گفتگو کرتے ہوئے کہا کہ لوہانسک پر روس کا مکمل کنٹرول ہے، ڈونباس کے علاقے کا کنٹرول حاصل کر سکتے ہیں، یوکرین اپنے علاقے کھو سکتا ہے۔
انہوں نے کہا کہ چین کے ساتھ ہمیشہ فوجی میدان میں تعاون کیا، ایسا کرنا جاری رکھیں گے، بھارت، امریکا تعلقات،، روس اور بھارت تعلقات میں کبھی رکاوٹ نہیں بنے، یوکرین کے ساتھ پرامن طریقے سے ڈیل کرنے کے لیے تیار ہیں۔
Leave a Reply