کراچی: شاہراہ بھٹو پر تاجر سے 25 لاکھ کی ڈکیتی کا مقدمہ بالآخر 17 دن بعد درج کرلیا گیا۔
پولیس کے مطابق ایف آئی آر نمبر 503/26 کمپنی مینجر کاشف منظور نے درج کرائی۔جس کے مطابق کمپنی مالک حفیظ الرحمٰن 11 اپریل کی رات ساڑھے 12 بجے دفتر سے نکلے انہوں نے ڈیفنس میں گھر جانے کیلئے شاہراہ بھٹو پر سفر کیا۔
مدعی کے مطابق رات 1:12 بجے شاہراہ بھٹو سے اترتے ہی کمپنی مالک حفیظ الرحمٰن کی گاڑی کو عقب سے کار نے ٹکر ماری۔ حفیظ الرحمن باہر نکل کر دیکھنے لگے تو 4 موٹر سائیکل سوار پہنچ گئے۔
مدعی کا کہنا ہے کہ ملزمان نے اسلحہ کے زور پر حفیظ کو یرغمال بناکر تشدد کیا، 25 لاکھ لوٹ لیے ۔ملزمان گاڑی سے قیمتی کاغذات، بلز، شناختی کارڈ بھی لے گئے۔
مدعی کے مطابق کار نمبر ڈی آئی بی 548 میں سوار ملزمان شاہراہ بھٹو سے تعاقب میں تھے۔ کار اور موٹر سائیکلوں پر سوار ملزمان بلوچ کالونی کی طرف ون وے فرار ہوئے۔
Leave a Reply