واٹس ایپ کی جانب سے بہت جلد آپشنل سبسکرپشن پلان متعارف کرائے جانے کا امکان ہے۔
Wabetainfo کی رپورٹ کے مطابق اس سبسکرپشن پلان کو واٹس ایپ پلس کا نام دیا جائے گا۔
واٹس ایپ پلس پلان میں صارفین کو اضافی فیچرز دستیاب ہوں گے اور میسجنگ ایپ کو مفت استعمال کرنے والے افراد کو ان فیچرز تک رسائی حاصل نہیں ہوگی۔
رپورٹ میں بتایا گیا کہ یہ اضافی فیچرز جیسے متعدد چیٹ منیجمنٹ ٹولز اور ایپ کسٹمائزیشن وغیرہ پر اینڈرائیڈ اور آئی او ایس ورژن میں کام کیا جار ہا ہے اور انہیں ابھی تک جاری نہیں کیا گیا۔
رپورٹ میں مزید بتایا گیا کہ یہ اضافی فیچرز ان صارفین کو دستیاب ہوں گے جو ماہانہ فیس ادا کریں گے۔
البتہ واٹس ایپ کے بنیادی فیچرز بشمول میسجنگ، وائس اینڈ ویڈو کالز، میڈیا شیئرنگ اور پرائیویسی فیچرز بدستور مفت دستیاب ہوں گے۔
واٹس ایپ کی جانب سے اب تک واٹس ایپ پلس کی فیس یا اسے متعارف کرانے کی تاریخ کا اعلان نہیں کیا گیا۔
رپورٹ کے مطابق واٹس ایپ پلس کی سبسکرشن میں بنیادی طور پر پرسنلائزیشن اور اضافی فیچرز پر توجہ مرکوز کی جائے گی اور بنیادی فیچرز کو اس سے دور رکھا جائے گا۔
ان میں سے ایک اضافی فیچر چیٹ پننگ کا ہوگا، اس وقت واٹس ایپ میں صارفین 3 چیٹس کو پن کرسکتے ہیں۔
مگر واٹس ایپ پلس صارفین 20 چیٹس کو پن کرسکیں گے جبکہ 14 مختلف ایپ آئیکونز، 19 کلر آپشنز اور دیگر متعدد فیچرز دستیاب ہوں گے۔
رپورٹ میں عندیہ دیا گیا کہ واٹس ایپ کی جانب سے ان اضافی فیچرز میں وقت کے ساتھ اضافہ کیا جائے گا۔
Leave a Reply