عمران خان کو ٹارچر کرنے کیلئے قید تنہائی میں رکھا گیا ہے: علیمہ خان

عمران خان سے ملاقات نہیں ہو رہی، پچھلے ایک سال میں جو ملاقاتیں ہوئیں وہ صرف دو درجن ہیں: علیمہ خان۔ فوٹو فائل

راولپنڈی: علیمہ خان نے کہاہے کہ عمران خان کو ٹارچر کرنے کے لیے قید تنہائی میں رکھا گیا ہے۔

گزشتہ روز اپنی بہنوں کے ہمراہ ماربل فیکٹری ناکہ پر میڈیا سے گفتگو کرتے ہوئے علیمہ خان کا کہنا تھا عمران خان سے ملاقات نہیں ہو رہی، پچھلے ایک سال میں جو ملاقاتیں ہوئیں وہ صرف دو درجن ہیں۔

علیمہ خان کا کہنا تھا پولیس نے منگل کو بھی عمران خان کی بہنوں کو اڈیالہ جیل میں ملاقات کی اجازت نہیں دی، آخری ملاقات 2 دسمبر کو کرائی گئی تھی، سلمان صفدر 20 دسمبر کو گئے تھے اور زبردستی 8 منٹ ملاقات کی تھی۔

انہوں نے کہاکہ ان کا خیال تھا کہ بانی پی ٹی آئی کو ذہنی مریض بنادیں گے، عمران خان اپنی قوم کے لیے جیل میں بیٹھے ہیں، عمران خان کو ٹارچر کرنے کے لیے قید تنہائی میں رکھا گیا ہے۔

Source link