ایک کوہ پیما نے دنیا کی بلند ترین عمارتوں میں سے ایک کو رسیوں کے بغیر سر کرنے میں کامیابی حاصل کی ہے۔
تائیوان کی 1667 فٹ بلند تائی پے 101 نامی عمارت کو امریکی کو پیما ایلکس ہونولڈز نے سر کیا۔
40 سالہ ایلکس کی زندگی کا یہ ایک بہت بڑا اسٹنٹ تھا کیونکہ انہوں نے اس عمارت کو رسیوں یا حفاظتی لباس کے بغیر سر کیا تھا۔
انہیں اس عمارت کو سر کرنے میں ڈیڑھ گھنٹے سے کچھ زائد وقت لگا۔
انہوں نے یہ کام ایک اسٹریمنگ سروس کے لائیو اسٹریمنگ پروگرام کے لیے کیا۔
عمارت کے اوپری حصے پر پہنچنے کے بعد انہوں نے کہا کہ ‘یہاں کا نظارہ زبردست ہے، یہاں ہوا بہت زیادہ چل رہی ہے اور مجھے ایسا لگ رہا ہے کہ میں گر جاؤں گا، تو میں نے اپنا توازن بہترین طریقے سے برقرار رکھا’۔
یہ پہلی بار نہیں جب ایلکس ہونولڈز نے اس طرح کا خطرناک اسٹنٹ کیا۔
اس سے قبل وہ ریکارڈ ٹائم میں Yosemite نیشنل پارک کی ایک چوٹی El captain کو رسیوں کے بغیر سر کرچکے ہیں۔
2022 میں وہ پہلے شخص بنے تھے جنہوں نے گرین لینڈ کی 3750 بلند پہاڑی کو کو سر کیا تھا۔
تائی پے کی عمارت کے اوپر چرھنے کے لیے انہوں نے اس کے ایک مخصوص حصے کو منتخب کیا جہاں پیر جما کر اوپر جانا ممکن تھا۔
یہ عمارت 101 منزلوں پر مشتمل ہے۔
Leave a Reply