گوگل کی جانب سے آرٹی فیشل انٹیلی جنس (اے آئی) سرچ کو متعدد پراڈکٹس کا حصہ بنایا جا رہا ہے۔
اب یوٹیوب میں بھی اے آئی سرچ کا فیچر متعارف کرایا جا رہا ہے۔
کمپنی کی جانب سے اعلان کیا گیا ہے کہ یہ تجرباتی فیچر امریکا میں 18 سال یا اس سے زائد عمر کے یوٹیوب پریمیئم صارفین کے لیے عارضی طور پر متعارف کرایا جا رہا ہے۔
آسک یوٹیوب نامی اس فیچر میں صارفین سادہ سرچ کی بجائے پیچیدہ سوالات پوچھ کر جامع رزلٹس حاصل کرسکیں گے جن میں ویڈیوز اور ٹیکسٹ وغیرہ شامل ہوں گے جبکہ فالو اپ سوالات بھی پوچھ سکیں گے۔
یہ فیچر آپ کو اکاؤنٹ میں جاکر خود ان ایبل کرنا ہوگا اور اس کے بعد سرچ بار میں آسک یوٹیوب نامی نئے بٹن پر کلک کرنے پر مختلف پروموٹس سجیشنز نظر آئیں گی یا آپ خود بھی پروموٹ تحریر کرسکتے ہیں۔
مثال کے طور پر آپ کسی جگہ کے روڈ ٹرپ کے بارے میں پوچھ سکتے ہیں۔
اس کے نتائج کے بعد آپ اس سے متعلق مزید سوالات پوچھ سکتے ہیں جبکہ کمپنی کی جانب سے سمری کے ساتھ ویڈیوز کی لسٹ بھی فراہم کی جاتی ہے۔
کمپنی نے یہ واضح نہیں کیا کہ اس فیچر کو کب تک تمام صارفین کے لیے متعارف کرایا جاسکتا ہے۔
Leave a Reply