بھارت نے متحدہ عرب امارات کے شہر فجیرہ میں ایرانی حملے کو ناقابل قبول قرار دیا ہے۔
بھارتی وزارت خارجہ کے ترجمان نے ایک بیان میں فجیرہ میں ڈرون حملے کی مذمت کی جس میں 3 بھارتی شہری زخمی ہوئے تھے۔
ترجمان نے حملے میں 3 بھارتی شہریوں کے زخمی ہونے پر فوری طورپر بے گناہ شہریوں پر حملے روکنے کا مطالبہ کیا۔
ترجمان نے کہا کہ بھارت مسائل کے پرامن حل کے لیے کی جانے والی تمام کوششوں کی حمایت کے لیے تیار ہے، جبکہ آبنائے ہرمز میں بلاروک ٹوک رسائی دینے کا مطالبہ بھی کیا۔
بھارت کی توانائی ضروریات کا انحصار تیل کی درآمد پر ہوتا ہے اور مشرق وسطیٰ میں تنازع کے باعث بھارت کو توانائی کے شدید بحران کا سامنا ہے۔
اس سے قبل 4 اپریل کو متحدہ عرب امارات کی جانب سے جاری بیان میں بتایا گیا تھا کہ فجیرہ آئل انڈسٹری زون میں میزائل حملے کے بعد آگ لگ گئی تھی جس سے 3 بھارتی شہری زخمی ہوئے۔
متحدہ عرب امارات کی وزارت خارجہ نے ایک بیان میں ایران کی جانب سےکیےگئے میزائل اور ڈرون حملوں کو دھوکا دہی قرار دیتے ہوئے ان کی سخت مذمت کی ہے۔
اماراتی وزارت خارجہ کا کہنا ہےکہ متحدہ عرب امارات ان حملوں کے جواب میں کارروائی کرنے کا مکمل اور جائز حق محفوظ رکھتا ہے۔
بیان میں ایرانی حملوں کو سخت اشتعال انگیزی قرار دیتے ہوئے کہا گیا ہےکہ یہ حملے ملک کی سلامتی کے لیے براہ راست خطرہ ہیں۔
دوسری جانب امریکی سفارتخانے کی متحدہ عرب امارات میں اپنے شہریوں کو احتیاط کی ہدایت کی ہے۔
امریکی سفارتخانے نے کہا کہ غیر ضروری امریکی عملہ منتقل کردیا گیا ہے جبکہ ابوظبی اور دبئی سے ویزا سروسز عارضی طور پر معطل کر دی گئی ہیں۔
Leave a Reply