کراچی: سندھ کابینہ نے موٹر سائیکل فیول سبسڈی پروگرام میں توسیع کردی۔
وزیراعلیٰ سندھ کے ترجمان کے مطابق کابینہ نے پیپلز موٹر سائیکل فیول سبسڈی پروگرام 31 مئی 2026 تک بڑھا دیا ہے۔
اس موقع پر وزیراعلیٰ سندھ نے ہدایت جاری کرتے ہوئے کہا کہ فیول سبسڈی کی مد میں مئی کے لیے 2 ارب روپے جاری کیے جائیں۔
اجلاس میں وزیراعلیٰ کو بتایا گیا کہ 5 لاکھ 48 ہزار سے زائد افراد کو موٹر سائیکل فیول سبسڈی ادائیگیاں جاری ہیں جب کہ موٹرسائیکل فیول سبسڈی کےتحت 1.096 ارب روپے تقسیم کیے جاچکے ہیں۔
موٹر سائیکل کیب سروسز کیلئے سیلز ٹیکس میں بڑی کمی کا اعلان
دوسری جانب سندھ کابینہ کی جانب سے موٹر سائیکل کیب سروسز کے لیے سیلز ٹیکس میں بڑی کمی کا اعلان کیا گیا ہے۔
اجلاس میں وزیراعلیٰ کو بتایا گیا کہ کابینہ نے سیلز ٹیکس 5 فیصد سے کم ہو کر 2 فیصد کردیا ہے، حکومتی فیصلے سے سالانہ 120 ملین روپے مالی اثرات متوقع ہیں۔
وزیراعلیٰ سندھ کا کہنا تھا کہ حکومتی اقدام سے آن لائن ڈرائیورز مستفید ہوں گے۔
Leave a Reply