اس وقت جب دنیا کے بیشتر ممالک میں الیکٹرک گاڑیوں پر توجہ مرکوز کی جا رہی ہے۔
ایک امریکی یونیورسٹی کے طالبعلموں نے ایسی انوکھی گاڑی تیار کی ہے جو ایک لیٹر روایتی ایندھن پر سیکڑوں میل کا سفر طے کرسکتی ہے۔
امریکی ریاست یوٹاہ کی ایک یونیورسٹی کے طالبعلموں نے ایک تجرباتی گاڑی تیار کی ہے جو ایک لیٹر ایتھنول پر سیکڑوں میل کا فاصلہ طے کرسکتی ہے اور ایسا ہلکے وزن اور ایرو ڈائنامک ڈیزائن کی بدولت ممکن ہوتا ہے۔
اسے سپر مائلیج کا نام دیا گیا ہے اور اس کا وزن محض 49 کلو گرام ہے جس کے لیے ہلکے وزن کی کاربن فائبر باڈی کو استعمال کیا گیا ہے۔
اس کا فیول ٹینک بھی بہت چھوٹا ہے جس میں محض 30 ملی لیٹر ایندھن کو بھرا جاسکتا ہے۔
اس فیول ٹینک میں محض اتنا ایندھن بھرا جاسکتا ہے جس سے گاڑی 20 میل تک فاصلہ کرسکتی ہے جس کے بعد دوبارہ ایندھن بھرنے کی ضرورت ہوتی ہے۔
سپر مائیلج کو ایک مقابلے شیل ایکو میراتھون کے لیے تیار کیا گیا تھا۔
اس مقابلے میں شامل افراد کم از کم ایندھن کے ساتھ زیادہ فاصلہ طے کرنے والی گاڑیوں کے ساتھ شریک ہوئے تھے۔
سپر مائلیج کو بریگھم ینگ یونیورسٹی کے طالبعلموں نے تیار کیا جو ایک گیلن ایندھن میں 2150 میل تک کا فاصلہ طے کرسکتی ہے اور اس میں روایتی گاڑیوں کے تمام ماڈرن فیچرز کو شامل نہیں کیا گیا تاکہ وہ کم ایندھن میں زیادہ فاصلہ طے کرسکے۔
اس میں بس ایک ڈرائیور کے بیٹھنے کی جگہ ہے اور اس کا قد بھی 5 فٹ 4 انچ اور وزن 54 کلو گرام سے زیادہ نہیں ہونا چاہیے۔
اس گاڑی کی رفتار محض 23 میل فی گھنٹہ ہے تو اس میں زیادہ لمبا سفر کرنا بہت تکلیف دہ ہوتا ہے۔
Leave a Reply