اگر زیادہ لمبے عرصے تک اینڈرائیڈ فون کو چارج نہ کیا جائے تو کیا ہوتا ہے؟

ایک اینڈرائیڈ اسمارٹ فون کافی عرصے تک چلتا رہتا ہے خاص طور پر جب تک بیٹری کی زندگی ختم نہ ہو جائے۔

جب بیٹری ڈیڈ ہو جاتی ہے اور آپ اسے ٹھیک کرنے کی کوشش نہیں کرتے یعنی اسے کافی عرصے تک آن نہیں کرتے تو پھر ضرور مسائل کا سامنا ہوسکتا ہے۔

اسمارٹ فونز میں لیتھیم آئیون بیٹریز استعمال کی جاتی ہیں جن کو ری چارج کیا جاسکتا ہے مگر چارجنگ کی تعداد محدود ہوتی ہے، یعنی چند سو بار سے ایک ہزار بار تک، جس کا انحصار ڈیوائس پر ہوتا ہے۔

اس مخصوص تعداد کے بعد بیٹری لائف ختم ہو جاتی ہے اور اگر لیتھیم آئیون بیٹریز زیادہ عرصے تک چارج نہ کی جائیں تو وہ پھول جاتی ہیں۔

اگر بیٹری کو مسلسل چارجنگ پر رکھا جائے تو اس سے بھی اسے نقصان پہنچتا ہے۔

تو بیٹریز پھول کیوں جاتی ہیں؟

اگر فون کو بند رکھا جائے اور کچھ عرصے بعد اسے چارج کرکے اوپن کرنے کی کوشش کی جائے تو ایسا کرنے پر سب سے پہلے جس مسئلے کا سامنا ہوتا ہے وہ بیٹری کا پھول جانا ہوتا ہے۔

ویسے تو بیٹری پھول جانے کے بعد بھی وہ کام کرتی رہتی ہے مگر اس کے جلد خراب ہونے کا امکان بڑھ جاتا ہے۔

اگر فون چارج نہ ہو تو اس کا مطلب یہ ہے کہ بیٹری مکمل طور پر ڈیڈ ہوچکی ہے یا چارجنگ کیبل یا پورٹ خراب ہے۔

اگر بیٹری پھول چکی ہو تو اسے تبدیل کیا جاسکتا ہے مگر جب تک وہ کام کر رہی ہے تو اس کا پھولنا زیادہ بڑا مسئلہ نہیں۔