اسلام آباد (5 اگست 2026): پاکستان، سعودی عرب، ترکیہ اور مصر پر مشتمل آر 4 گروپ نے آزاد اور خود مختار فلسطینی ریاست کے قیام کی حمایت کا اعادہ کر دی۔
آر 4 گروپ کے وزرائے خارجہ کا عمان میں اجلاس ہوا جس میں پاکستان، سعودی عرب، ترکیہ اور مصر کے وزرائے خارجہ نے شرکت کی، انہوں نے فلسطینی عوام کے جائز حقوق اور حق خودارادیت کی حمایت کا اعادہ کیا۔
اجلاس کے شرکا نے 4 جون 1967 کی سرحدوں پر آزاد اور خود مختار فلسطینی ریاست کے قیام کی حمایت اور مشرقی یروشلم کو فلسطینی ریاست کا دارالحکومت بنانے کی حمایت کا اعادہ کیا۔
استضاف الأردن اليوم اجتماعًا وزاريًّا لدعم القدس وأماكنها المقدسة، بمشاركة وزراء خارجية الدول العربية الأعضاء في اللجنة الوزارية العربية المكلَّفة بالتحرّك الدولي لمواجهة السياسات والإجراءات الإسرائيلية غير القانونية في مدينة القدس المحتلة ومقدساتها الإسلامية والمسيحية، وأمين عام… pic.twitter.com/ErLjl2Iuop
— وزارة الخارجية وشؤون المغتربين الأردنية (@ForeignMinistry) August 5, 2026
وزرائے خارجہ نے اقوام متحدہ کی قراردادوں کے مطابق فلسطینی مسئلے کے حل پر زور دیتے ہوئے کہا کہ فلسطین تنازع کا منصفانہ اور دیرپا حل مشرق وسطیٰ میں امن کیلیے ناگزیر ہے۔
اجلاس میں خطے کی بدلتی ہوئی صورتحال کا جائزہ لیا گیا جبکہ شرکا نے علاقائی استحکام کیلیے مسلسل مشاورت اور قریبی رابطوں کی اہمیت پر زور دیا۔
آر 4 گروپ نے خطے میں امن کے فروغ کیلیے باہمی ہم آہنگی جاری رکھنے کا عزم کرتے ہوئے کہا کہ مکالمہ اور سفارتکاری ہی کشیدگی میں اضافے کی روک تھام کا مؤثر ذریعہ ہیں۔
