پاکستان کی سینئر اداکارہ فضیلہ قاضی نے انکشاف کیا ہے کہ انہوں نے شادی کے لیے قیصر نظامانی کے سامنے کچھ شرائط رکھی تھیں۔
حال ہی میں فضیلہ قاضی نے ایک انٹرویو دیا جس میں انہوں نے شوبز سمیت اپنی ذاتی زندگی کے حوالے سے گفتگو کی۔
اداکارہ نے اپنی شادی کے حوالے سے بات کرتے ہوئے بتایا کہ شادی سے قبل شوہر قیصر کے سامنے میں نے چند شرائط رکھی تھیں، میں نے اپنے شوہر سے کہا کہ میں زیادہ کام نہیں کروں گی اور اگر کام کیا تو پیسہ خود پر خرچ کروں گی، گھر میں جو کچھ بھی آئے گا اس کا خرچہ اور میرے بچوں کا خرچہ سب قیصر کی ذمہ داری ہوگی۔
فضیلہ قاضی نے مزید کہا کہ پھر میں نے گھر میں کھانا پکانا شروع کیا، میں سوچتی تھی کہ میرا شوہر کام کررہا ہے میں اس کی پسند کا کھانا پکاؤں، میری والدہ کے ہاتھ میں ذائقہ تھا اسی وجہ سے میرے ہاتھ میں ذائقہ ہے، میرے بچوں سمیت مجھے بھی اب اپنے ہاتھ کا کھانا ہی پسند ہے اگر کوئی کھانا بنانے کیلئے آتا بھی ہے تو ہمارے گھر میں 6 دن سے زیادہ نہیں رہتا۔
ان کا کہنا تھا کہ مجھے خوشی ہوتی ہے جب میرے بچے اور شوہر خوشی سے کھانا کھاتے ہیں اور مجھے لگتا ہے یہ بھی محبت کا ایک انداز ہے۔
Leave a Reply