پاکستان کرکٹ ٹیم کے سابق کپتان وسیم اکرم نے بھی قومی ٹیم کے ساتھ کپتان مصباح الحق کے ساتھ حج کی سعادت حاصل کی۔
فریضہ حج کی ادائیگی کے موقع پر جمرات میں رمی کے دوران وسیم کی بولنگ کے انداز میں شیطان کو کنکریاں مارنے کی ویڈیو سوشل میڈیا پر وائرل ہوگئی۔
ویڈیو میں دیکھا جا سکتا ہے کہ وسیم اکرم بولنگ کے انداز میں شیطان کو کنکری مار رہے ہیں اور پھر وکٹ لینے کے بعد جیسی خوشی کا اظہار بھی کر رہے ہیں۔
وسیم اکرم کی ویڈیو سامنے آنے پر سوشل میڈیا پر ملے جلے تبصرے کیے جا رہے ہیں، کچھ سوشل میڈیا صارفین کی جانب سے وسیم اکرم کے انداز کو سراہا جا رہا ہے تو کچھ صارفین کا کہنا ہے کہ حج جیسی مقدس عبادت کا مذاق اڑانا بند ہونا چاہیے۔
وسیم اکرم کے ساتھ پاکستان کرکٹ ٹیم کے سابق کپتان مصباح الحق اور قومی کرکٹر شرجیل خان نے بھی حج کی سعادت حاصل کی۔
چند روز قبل وسیم اکرم اور مصباح الحق کی قومی ٹیم کے سابق اوپنر سعید انور کے ساتھ تصاویر بھی سوشل میڈیا پر وائرل ہوئی تھیں۔
Leave a Reply