لاہور: نائب امیر جماعت اسلامی پاکستان لیاقت بلوچ کا کہنا ہے ایٹمی صلاحیت کےحصول میں ایران کو جن مشکلات کا سامنا ہے، پاکستان نے انہیں کامیابی سے عبور کیا۔
یوم تکبیر پر اپنے بیان میں لیاقت بلوچ نے کہا کہ 28 مئی یوم تکبیر پاکستان کے مضبوط دفاع کا اعلان ہے، ایٹمی صلاحیت میں ذوالفقار علی بھٹو، ضیاءالحق، اسحاق خان اور ڈاکٹر عبدالقدیر کا کردار تاریخ ساز ہے۔
انہوں نے کہا کہ ڈاکٹر عبدالقدیر خان کی قیادت میں سائنسدانوں، انجینئرز اور تکنیکی ماہرین نے تاریخ ساز کردار ادا کیا، ایٹمی دھماکا کرنے میں نواز شریف اور قاضی حسین احمد کا کردار بھی بےمثال ہے، ایٹمی صلاحیت کے حصول میں ایران کو جن مشکلات کا سامنا ہے، پاکستان نے ان مشکلات کو عبور کیا۔
پاکستان کی ایٹمی صلاحیت امت مسلمہ کیلئے باعث فخر ہے: حافظ نعیم
دوسری جانب امیر جماعت اسلامی پاکستان حافظ نعیم الرحمان نے یوم تکبیر پر اپنے پیغام میں کہا کہ 28 مئی 1998 پاکستان کا تاریخ ساز دن تھا، اس دن اللہ تعالیٰ نےپاکستان کو ایٹمی صلاحیت سے نوازا، یوم تکبیر پاکستانی قوم کا فخریہ دن ہے۔
حافظ نعیم الرحمان کا کہنا تھا ایٹمی صلاحیت کی بدولت پاکستان کا دفاع ناقابل تسخیر ہے، پاکستان کی ایٹمی صلاحیت امت مسلمہ کے لیے باعث فخر ہے۔
Leave a Reply