متحدہ عرب امارات کے صدارتی مشیر انور قرقاش نے ایران کو اسٹریٹجک خطرہ قرار دیتے ہوئے کہا کہ ایران کے ساتھ اعتماد کی بحالی میں طویل وقت لگے گا۔
فرانس کے شہر شانتئی میں عالمی پالیسی کانفرنس سے خطاب کرتے ہوئے متحدہ عرب امارات کے صدارتی مشیر انور قرقاش نے کہا ہے کہ ایران کے ساتھ اعتماد کی بحالی میں ’’بہت طویل وقت‘‘ لگے گا، خاص طور پر اس پس منظر میں جب ایران نے حالیہ مشرق وسطیٰ تنازع کے دوران امارات کو نشانہ بنایا۔
انور قرقاش نے کہا کہ ایران کے تقریباً 2800میزائل اور ڈرون حملوں میں سے 89 فیصد نے شہریوں، انفرا اسٹرکچر اور توانائی کے نظام کو نشانہ بنایا۔
انہوں نے مزید کہا کہ خطے میں عدم اعتماد مزید گہرا ہو گیا، اب ایران کو مستقل اسٹریٹجک خطرے کے طور پر دیکھا جائے گا۔
انور قرقاش کا کہنا تھا ایران نے امریکا اور اسرائیل سے اپنی جنگ کے دوران متحدہ عرب امارات پر بہت حملے کیے ، یہ نہیں ہوسکتا کہ کوئی آپ پر 2800 میزائل اور ڈرون مارے اور پھر اعتماد سازی کی بات کرے ۔
Leave a Reply