شمالی کوریا کی جانب سے اسٹریٹجک کروز میزائلوں کا ایک اور تجربہ کیا گیا ہے۔
یہ تجربہ ایسے وقت میں کیا گیا ہے جب جنوبی کوریا اور امریکا اس ہفتے اپنی سالانہ مشترکہ فوجی مشقیں شروع کر چکے ہیں۔
شمالی کوریا کی سرکاری خبر رساں ایجنسی کے سی این اے کے مطابق شمالی کوریا کے سربراہ کم جونگ اُن نے منگل کو ویڈیو لنک کے ذریعے اسٹریٹجک کروز میزائلوں کے تجربے کا معائنہ کیا اور اس بات پر زور دیا کہ طاقتور اور قابلِ اعتماد جوہری ڈیٹیرنس کو برقرار رکھنا اور اسے مزید وسعت دینا ضروری ہے۔
سرکاری میڈیا کی جانب سے جاری تصاویر میں کم جونگ اُن کی بیٹی جو اے کو بھی اس تجربے کی نگرانی کرتے ہوئے دکھایا گیا۔
گزشتہ ہفتے بھی شمالی کوریا نے بحریہ کے ڈسٹرائر جہاز سے اسٹریٹجک کروز میزائل کا تجربہ کیا تھا۔
Leave a Reply