معروف ہدایت کار بدر محمود اور ارسلان ذیشان کی مشترکہ پیشکش نئی ڈرامہ سیریل خوش نصیبی کا پہلا دلکش ٹیزر جاری کردیا گیا، جس نے ریلیز ہوتے ہی سوشل میڈیا پر دھوم مچادی۔
ٹیزر کو ناظرین کی جانب سے بھرپور پذیرائی حاصل ہورہی ہے اور اسے ایک منفرد، جذبات سے بھرپور اور اعلیٰ معیار کی پیشکش قرار دیا جارہا ہے۔
ڈرامہ سیریل ’خوش نصیبی‘ کو جلد جیو ٹی وی پر نشر کیا جائے گا۔ جاری کیے گئے ٹیزر سے ظاہر ہوتا ہے کہ ڈرامہ نہ صرف مضبوط کہانی پر مبنی ہوگا بلکہ یہ خوبصورت لوکیشنز، متاثر کن مناظر اور جاندار کرداروں کے باعث دیگر ڈراموں سے مختلف ہوگی۔
شوبز حلقوں کے مطابق اس سیریل میں ایک دل کو چھو لینے والی لو اسٹوری پیش کی جائے گی، جس میں محبت، جذبات اور زندگی کے مختلف رنگ دکھائے جائیں گے۔
ناظرین کی بڑی تعداد ڈرامے کے باقاعدہ آن ایئر ہونے کا بے صبری سے انتظار کررہی ہے۔ شوبز حلقوں کا کہنا ہے ’خوش نصیبی‘ ریٹنگ چارٹس پر نمایاں مقام حاصل کرنے کی بھرپور صلاحیت رکھتی ہے۔
Leave a Reply