بالی وڈ کے معروف اسکرین رائٹر اور اداکار سلمان خان کے والد سلیم خان کو طبیعت ناساز ہونے پر انتہائی نگہداشت یونٹ (آئی سی یو) میں منتقل کردیا گیا۔
بھارتی میڈیا کے مطابق طبیعت بگڑنےپر 90 سالہ سلیم خان کو منگل کی صبح ممبئی کے لیلاوتی اسپتال میں داخل کیا گیا۔
معالج کی جانب سے جاری بیان میں بتایا گیا کہ سلیم خان کو صبح تقریباً 8:30 بجے فیملی ڈاکٹر اسپتال کے ایمرجنسی ڈپارٹمنٹ لائے۔
بیان میں بتایا گیا کہ سلیم خان کو فوری طبی امداد کے بعد آئی سی یو منتقل کر دیا گیا۔
بھارتی میڈیا کے مطابق ڈاکٹرز کا کہنا ہے کہ سلیم خان کی حالت اس وقت مستحکم ہیں، تاہم ان کی طبی حالت پر قریبی نگرانی جاری ہے۔
خاندان کی جانب سے رازداری کی درخواست پر اسپتال نے فی الحال مزید طبی تفصیلات جاری نہیں کیں۔
اسپتال میں داخل ہونے کی خبر سامنے آتے ہی سلمان خان اپنی بہن اور بہنوئی کے ساتھ اسپتال کے باہر نظر آئے۔
واضح رہے کہ سلیم خان کو ہندی سینما کی تاریخ کے بااثر ترین اسکرین رائٹرز میں شمار کیا جاتا ہے۔ وہ معروف اسکرین رائٹنگ جوڑی سلیم جاوید کا حصہ تھے، جس میں ان کے ساتھی جاوید اختر تھے۔
اس جوڑی نے 1970 کی دہائی میں بالی وڈ کی کہانی گوئی کو نئی سمت دی۔
سلیم جاوید نے بھارتی سینما کی کئی یادگار فلمیں لکھیں، جن میں شعلے، دیوار ڈان، زنجیر وغیرہ شامل ہیں۔
Leave a Reply