جمعیت علمائے اسلام کے سربراہ مولانا فضل الرحمان کا کہنا ہے ملک میں جعلی مینڈیٹ کے ذریعے جعلی حکومت بنائی گئی ، موجودہ حکومت جمہوریت کے ساتھ مذاق ہے ۔
اسلام آباد میں جے یو آئی کے یوتھ کنونشن سے خطاب کرتے ہوئے مولانا فضل الرحمان نے کہا کہ ہمارے دوست ملک نے عالمی تجارت کے لیے پاکستان کو چُنا ، ہمیں شکایت تھی کہ پی ٹی آئی حکومت میں سی پیک منصوبہ روکا گیا ، موجودہ حکومت میں بھی ایک اینٹ کا اضافہ نہیں ہوا۔
مولانا فضل الرحمان نے کہا کہ ملک میں جعلی مینڈیٹ کے ذریعے جعلی حکومت بنائی گئی ، آپ شفاف طریقے سے حکومت بنالیں ، ہم ضرور قبول کریں گے ۔
انہوں نے کہا کہ ملک میں کاروبار ختم ہو رہا ہے ، پاکستانیوں کی محنت اور سرمایہ باہر جارہا ہے ۔
مولانا فضل الرحمان کا کہنا تھا وہ الزام تراشی کی سیاست نہیں کرتے ، ان کی روش میں انتہا پسندی نہیں ، اعتدال اور دلیل ہے ، آٹھ فروری کے نتائج معاشی اور سکیورٹی ناکامی کی شکل میں سامنے آرہے ہیں ۔
Leave a Reply