بلوچستان، پنجاب اور خیبرپختونخوا کے میدانی علاقوں میں بارش اور پہاڑی علاقوں میں برفباری کا امکان ظاہر کیا گیا ہے۔
محکمہ موسمیات کا بتانا ہے کہ ایران کے راستے ایک اور مغربی موسمی سسٹم شمالی بلوچستان میں داخل ہو رہا ہے جس کے سبب بارش اور کئی علاقوں میں برف باری کا امکان ہے۔
اس سسٹم کے تحت کوئٹہ، چمن، قلعہ عبداللہ، سرانان، جنگل پیر علی زئی، گلستان اور پشین میں بارش ہو سکتی ہے جبکہ کوژک ٹاپ، شیلا باغ اور لوئی بند سمیت بالائی علاقوں میں برف باری کا بھی امکان ہے۔
مزیدبراں کئی علاقوں میں پچھلی برف باری سے بند رابطہ سڑکیں اب تک بحال نہیں ہو سکیں، جس کی بحالی کیلئے آپریشن جاری ہے۔
دوسری جانب این ڈی ایم اے نے آج سے 4 فروری تک پنجاب، خیبر پختونخوا میں بارش اور برف باری کی پیشگوئی کے باعث پہاڑی علاقوں میں برفانی تودے گرنے اور لینڈ سلائیڈنگ کا خدشہ ظاہر کیا ہے۔
Leave a Reply