اسلام آباد کی عدالت نے ایمان مزاری اور ہادی علی چٹھہ کے خلاف متنازع ٹوئٹس کیس کے فیصلے میں ایران و دیگر ممالک سے متعلق پیرا گراف حذف کرنے کا حکم دے دیا۔
انسدادالیکٹرانک کرائم ایکٹ کی عدالت کےجج افضل مجوکا نے استغاثہ کی درخواست پر حکم جاری کردیااور فیصلے میں کہا کہ فیصلے کے پیرانمبر36میں موجودغلطی کی درستگی کےلیے استغاثہ نے درخواست دائر کی، غلطی سے چار ممالک کا نام فیصلے میں لکھا گیا۔
فیصلے کے مطابق اسٹینوگرافر نے تحریری جواب میں بتایا کہ یہ جملہ دیگرچند جملوں کے ساتھ فیصلے کی تصحیح کے دوران حذف کر دیا گیا تھا لیکن جملہ حتمی پرنٹ کے وقت غلطی سے دوبارہ فیصلے میں شامل ہو گیا۔
فیصلے میں قرار دیا گیاکہ اسٹینوگرافر کی غلطی میں بدنیتی شامل نہیں تھی۔
فیصلے میں کہا گیا ہے کہ موجودہ مقدمےمیں مذکورہ جملےکی کوئی قانونی حیثیت یافریقین کےحقوق کے تعین سےکوئی تعلق نہیں بنتا، 561 اےکے تحت عدالت اختیارات استعمال کرتے ہوئے ریکارڈپر موجود واضح غلطی کی درستگی کرسکتی ہے۔
عدالت نے جملے کو حذف کرنے کا حکم دیتے ہوئے درخواست کو مرکزی کیس کے ساتھ منسلک کرنے کی ہدایت کردی۔
Leave a Reply