برطانوی وزیراعظم سر کیئر اسٹارمر کی تنقید کے بعد امریکی صدر ڈونلڈ ٹرمپ نے افغانستان میں برطانوی فوجیوں سے متعلق اپنا بیان بدل دیا۔
امریکی صدر نے اپنے تازہ بیان میں برطانیہ کے فوجیوں کو عظیم اور بہادر قرار دیا اور کہا کہ برطانیہ کے فوجی ہمیشہ امریکا کے ساتھ رہیں گے۔
صدر ٹرمپ نے کہا کہ افغانستان میں مارے گئے457 برطانوی فوجی بری طرح زخمی ہوئے تھے اور وہ عظیم جنگجووں میں سے ایک تھے۔
انہوں نے کہا کہ یہ ایسابندھن ہے جوکبھی ٹوٹ نہیں سکتا۔ سوائے امریکا کے برطانوی فوجیوں کاکوئی ثانی نہیں۔ ہم ان سے محبت کرتے ہیں اور ہمیشہ محبت کرتے رہیں گے۔
یاد رہے کہ دو روز قبل امریکی صدر نے کہا تھا کہ افغانستان میں طالبان کے خلاف جنگ کے دوران برطانوی فوجی فرنٹ لائن پر نہیں تھے جس کے بعد برطانوی وزیر اعظم کیئر اسٹارمر نے ٹرمپ کے بیان کو توہین آمیز قرار دیتے ہوئے امریکی صدر سے معافی مانگنے کا مطالبہ کیاتھا۔
Leave a Reply