گوگل کی جانب سے سرچ انجن میں اے آئی اوور ویو فیچر کو تبدیل کرکے مزید بہتر بنایا جا رہا ہے۔
کمپنی کی جانب سے ایک بلاگ پوسٹ میں بتایا گیا کہ گوگل سرچ اوور ویو کے پیچھے چھپی ٹیکنالوجی کو تبدیل کیا جا رہا ہے اور اب صارفین کو بتایا جائے گا کہ یہ تفصیلات کن ذرائع سے حاصل کی گئی ہیں۔
اسی طرح صارفین مزید تفصیلات دیکھنے کے لیے متعلقہ ویب سائٹس کا وزٹ کرسکیں گے۔
مگر سب سے بڑی تبدیلی جو کی جا رہی ہے وہ اے آئی اوور ویو میں آن لائن فورمز جیسے ریڈیٹ میں لوگوں کے مشورے یا تجاویز سمیت دیگر ذرائع تک رسائی فراہم کی جائے گی۔
کمپنی کے مطابق اس کا مقصد آپ تک ان چیزوں کی تفصیلات پہنچانا ہے جو لوگ پہلے ہی آزما چکے ہیں۔
مگر ہر آن لائن سرچ کی طرح آپ کو ان تفصیلات کو ایک سے زیادہ بار چیک کرنے کی ضرورت ہوگی۔
گوگل کی جانب سے موضوعات سے جڑی دیگر تفصیلات بھی سرچنگ کے دوران فراہم کی جائیں گی، چاہے آپ کو ان کی ضرورت ہو یا نہ ہو۔
مثال کے طور پر اگر آپ سرچ کرتے ہیں کہ شہروں میں کیسے سرسبز مقامات کو شامل کیا جاتا ہے تو گوگل کی جانب سے کسی مخصوص مقام کو ہائی لائٹ کیا جائے گا جبکہ اے آئی سمری کے نیچے further exploration سیکشن میں دیگر شہروں کے اقدامات سے متعلق لنکس دیے جائیں گے۔
آپ یہ بھی دیکھ سکیں گے کہ کن ویب سائٹس نے کسی فہرست کے ہر پوائنٹ کی تفصیلات فراہم کی ہیں۔
خیال رہے کہ گوگل کی جانب سے رواں سال کے شروع میں پرسنلائزڈ انٹیلی جنس کو متعارف کرایا گیا تھا جس کا مقصد گوگل سرچ رزلٹس کو آپ کی شخصیت اور دلچسپیوں کو مدنظر رکھتے ہوئے فراہم کرنا ہے۔
Leave a Reply