پاکستان نے چین کی مقامی کیپیٹل مارکیٹ میں پہلا پانڈا بانڈ جاری کردیا۔
وفاقی وزارت خزانہ کے مطابق پاکستان نے 25 کروڑ ڈالرز مالیت کا پانڈا بانڈ جاری کیا ہے ، سرمایہ کاری ڈھائی فیصد کے انتہائی مسابقتی ریٹ پر حاصل ہوئی۔
وزارت خزانہ کی جانب سے جاری کردہ اعلامیے کےمطابق یہ دنیا کی دوسری بڑی کیپیٹل مارکیٹ میں پاکستان کی پہلی باقاعدہ رسائی ہے۔
اعلامیے میں کہا گیا ہے کہ پاکستان کو تقریباً 1.26 ارب ڈالر سے زائد کی طلب سامنے آئی تھی جس کے یہ اجرا پانچ گنا سے زائد اوور سبسکرائب ہوا۔
وزارت خزانہ کی جانب سے جاری کردہ اعلامیے کےمطابق اجرا کی طلب ہی پاکستان کے پانڈا بانڈ پروگرام کے مجموعی ہدف تقریباً ایک ارب ڈالرسے بھی زیادہ رہی۔
وزارت خزانہ کا کہنا ہے کہ یہ پیش رفت پاکستان کی معاشی بحالی، اصلاحاتی ایجنڈے پر اعتماد ہے۔
Leave a Reply