واٹس ایپ نے ایک ایسا نیا فیچر متعارف کرایا ہے جو اس میسجنگ پلیٹ فارم میں صارفین کی پرائیویسی کو مزید مضبوط بنا دے گا۔
WABetaInfo کی رپورٹ کے مطابق یہ نیا فیچر اس وقت اینڈرائیڈ اور آئی او ایس ڈیوائسز کے بیٹا (beta) ورژنز میں صارفین کو دستیاب ہے۔
اس فیچر کے تحت آپ ایسے میسجز دوستوں یا گھر والوں کو بھیج سکیں گے جو ایک بار پڑھے جانے کے بعد خودکار طور پر غائب ہو جائیں گے۔
اس سے صارفین کو اپنی بات چیت پر زیادہ بہتر کنٹرول مل سکے گا۔
رپورٹ کے مطابق واٹس ایپ میں ڈس اپیئرنگ میسجز کے فیچر میں آفٹر ریڈنگ ٹائمر کا اضافہ کیا جائے گا۔
اس ٹول کے تحت جب میسجز بھیجے جائیں گے تو جب ایک بار انہیں اوپن کرکے پڑھا جائے گا، تو وہ خودکار طور پر ڈیلیٹ ہو جائیں گے۔
ابھی واٹس ایپ صارفین ڈس اپیئرنگ میسج فیچر کو استعمال کرسکتے ہیں۔
اس فیچر کے تحت بھیجے جانے والے میجسز 24 گھنٹوں، 7 دن یا 90 سمیت دیگر طے شدہ وقت کے بعد ڈیلیٹ ہو جاتے ہیں۔
اگرچہ یہ فیچر کارآمد ہے مگر کسی حد تک محدود بھی ہے کیونکہ کئی بار میسجز پڑھے بغیر ہی ڈیلیٹ ہو جاتے ہیں۔
یہ نیا اضافہ اس بات کو یقینی بنائے گا کہ ایسے میسجز اس وقت تک ان باکس میں موجود رہیں جب تک انہیں پڑھ نہ لیا جائے۔
جیسے ہی آپ ان میسجز کو پڑھیں گے تو یہ میسجز طے شدہ وقت کے مطابق غائب ہو جائیں گے۔
کمپنی کی جانب سے آفٹر ریڈ ٹائمر کے ساتھ 5 منٹ، ایک گھنٹے اور 12 گھنٹے کے 3 آپشن فراہم کیے جائیں گے۔
جیسا اوپر درج کیا جاچکا ہے کہ ابھی یہ فیچر بیٹا ورژن میں متعارف کرایا گیا ہے تو یہ کہنا مشکل ہے کہ اسے کب تک تمام صارفین کے لیے متعارف کرایا جائے گا۔
Leave a Reply