ضلع کرم کے علاقے وسطی کرم میں شدت پسندوں کے دو گروہوں کے درمیان ہونے والی شدید جھڑپ میں کمانڈر سمیت 18 شدت پسند ہلاک ہو گئے۔
پولیس کے مطابق فائرنگ کا واقعہ وسطی کرم کے علاقے مناتو کامران کلے میں پیش آیا، جہاں شدت پسند کمانڈر کاظم اور ممتاز امتی گروہوں کے درمیان مسلح تصادم ہوا۔
پولیس حکام کا کہنا ہے کہ جھڑپ کے دوران دونوں جانب سے بھاری ہتھیاروں کا استعمال کیا گیا۔
حکام کے مطابق ہلاک ہونے والوں میں شر پسند کمانڈر ممتاز امتی بھی شامل ہے، شدت پسندوں کی لاشیں علاقہ مناتو کامران کلے سے برآمد ہوگئی ہیں۔
پولیس ذرائع کے مطابق مقامی قبائل نے لاشیں اٹھا کر دفنانے کا عمل شروع کر دیا، وسطی کرم میں فورسز نے متعدد بار شدت پسندوں کے خلاف آپریشنز کیے ہیں جس میں سینکڑوں شدت پسند مارے گئے اور ان کے تربیتی مراکز سمیت درجنوں ٹھکاوں کو تباہ بھی کیا گیا۔
Leave a Reply