کیا آپ کسی گاڑی کو جھیل میں چلانے کی کوشش کرسکتے ہیں، خاص طور پر اگر اس میں ایسا فیچر موجود ہو جو اتھلے پانیوں میں سواری کو سفر کرنے میں مدد فراہم کرے؟
یقین کرنا مشکل ہوگا مگر امریکا میں ایک شخص نے ایسی حماقت کی اور اب وہ جیل کی سلاخوں کے پیچھے ہے۔
امریکی ریاست ٹیکساس کے شہر گریپوائن میں ایک ڈرائیور کو دانستہ طور پر ایک ٹیسلا سائبر ٹرک کو جھیل میں گاڑی کے ویڈ موڈ کی آزمائش پر گرفتار کیا گیا۔
اس آزمائش کے دوران ٹرک ڈس ایبل ہوگیا اور پانی کے اندر چلا گیا۔
گریپوائن پولیس نے بتایا کہ کیٹی ووڈ پارک کی جھیل میں سائبر ٹرک کو جزوی طور پر کنارے کے قریب ڈوبا ہوا پایا گیا۔
ڈرائیور نے پولیس اہلکاروں کو بتایا کہ وہ دانستہ طور پر گاڑی کو جھیل میں لے گیا تاکہ سائبر ٹرک کے ویڈ موڈ کا مظاہرہ کرسکے۔
مگر گاڑی نے کام کرنا بند کر دیا اور اس کے اندر پانی بھرنے لگا، جس کے باعث ڈرائیور اور اس میں سار مسافروں کو گاڑی کو چھوڑ کر نکلنا پڑا۔
فائر فائٹرز کو گاڑی کو جھیل سے نکالنے کے لیے طلب کیا گیا۔
ڈرائیور کو پولیس نے جھیل کو نقصان پہنچانے سمیت دیگر الزامات کے تحت حراست میں لے لیا ہے۔
ٹیسلا کے مطابق ویڈ موڈ ایسا فیچر ہے جس سے سائبر ٹرک کو دریا یا چشموں کے کم گہرے پانیوں میں ڈرائیو کیا جاسکتا ہے۔
اس طرح کے پانیوں سے یہ ٹرک ایک سے 3 میل فی گھنٹہ کی رفتار سے سفر کرسکتا ہے جبکہ 32 انچ گہرے پانی میں سفر کرسکتا ہے۔
مقامی پولیس کے مطابق ممکن ہے کہ سائبر ٹرک کو کم گہرے پانی میں چلایا جاسکتا ہے مگر ایسا کرنا ٹیکساس قوانین کے تحت جرم ہے۔
Leave a Reply