وزیر مملکت برائے قانون بیرسٹر عقیل ملک کا کہنا ہےکہ جو بھی علاج ہوا وہ بانی پی ٹی آئی عمران خان کی اجازت سے ہوا، جیل کے اندر بانی پی ٹی آئی کی مختلف بیماریوں کا علاج ہوتا رہا ہے۔
پروگرم شاہ زیب خانزادہ کے ساتھ میں گفتگو کرتے ہوئے بیرسٹر عقیل ملک کا کہنا تھا کہ بانی پی ٹی آئی کو اسپتال لے جانا ایک نان ایشو اور روٹین کا معاملہ ہے، پی ٹی آئی8 فروری کے احتجاج سے متعلق معاملے کو طول دینا چاہتی ہے۔
معاون خصوصی اطلاعات خیبرپختونخوا شفیع جان کا کہنا تھا کہ آج ہم اڈیالہ جیل کے باہر موجود ہیں اور رات یہیں رہیں گے، آج ہم نے بانی پی ٹی آئی کے معائنے کےلیے 3 ڈاکٹرز کے نام دیے مگر حکومت نہ مانی، بانی پی ٹی آئی کی صحت کو نان ایشو قرار دینا بہت افسوسناک ہے۔
شفیع جان کا کہنا تھا کہ دن میں 3 بار بانی پی ٹی آئی کا طبی معائنہ کیا جاتا ہے، ڈاکٹر نے ہمیں بتایا کہ مذکورہ پروسیجر 20 منٹ میں نہیں 2گھنٹے میں ہوتا ہے، بانی پی ٹی آئی کے ساتھ جو ہوا وہ نارمل ہوا نہیں ہے،ہم اسے نارمل ہونے نہیں دیں گے۔
ان کا کہنا تھا کہ ہم جو کل کرنے جارہے ہیں اس میں مجمع اکھٹا نہیں ہوگا، ہم ضمانت دیتے ہیں ذاتی معالج باہر آکر سیاسی بیان نہیں دے گا۔
Leave a Reply