بلاوائیو: انڈر 19 ورلڈکپ کے پہلے سیمی فائنل میں انگلینڈ نے آسٹریلیا کو شکست دے کر فائنل کیلئے کوالیفائی کرلیا۔
بلاوائیو میں کھیلے گئے انڈر 19 ورلڈ کپ کے پہلے سیمی فائنل میں انگلینڈ نے آسٹریلیا کو 27 رنز سے شکست دی۔
انگلینڈ نے پہلے بیٹنگ کرتے ہوئے مقررہ 50 اوورز میں 7 وکٹ پر 277رنز اسکور کیے۔ کپتان تھامس ریو نے 110رنز کی اننگز کھیلی، کیلب فیلکونر نے 40 رنز اسکور کیے۔
278 رنز کے ہدف کے جواب میں آسٹریلیا کی ٹیم 48 ویں اوور میں 250 رنز بنا کر آؤٹ ہوگئی۔کپتان اولیور پیک نے 100رنز کی اننگز کھیلی۔ نتیس سیموئل نے 47 اور آریان شرما نے 34 رنز اسکور کیے۔
انگلینڈ کی جانب سے جیمز منٹو، سیباستین مورگن، رالفائے ایلبرٹ اور مینی لمسڈین نے 2 ، 2 کھلاڑیوں کو آؤٹ کیا۔
یوں انگلینڈ کی انڈر 19 ٹیم 27 رنز سے کامیابی حاصل کرتے ہوئے فائنل میں پہنچ گئی۔
واضح رہے کہ بھارت اور افغانستان کی انڈر 19 ٹیموں کے درمیان ایونٹ کا دوسرا سیمی فائنل کل کھیلا جائے گا۔
Leave a Reply