کراچی کے علاقے لانڈھی میں واقع ایکسپورٹ پروسیسنگ زون میں پلاسٹک بنانے والی فیکٹری میں خطر ناک آگ لگ گئی ۔
آگ نے قریب موجود تیسری فیکٹری کو بھی لپیٹ میں لے لیا، حکام نے آگ کو تیسرے درجے کی قرار دیدیا۔
12 فائر ٹینڈر اور 3 اسنارکل آگ بجھانے میں مصروف ہیں۔ شہر بھر سے فائر بریگیڈ طلب کرلیے گئے کمشنر کراچی کا کہناہے کہ واقعےمیں کوئی جانی نقصان نہیں ہو۔
چیف فائر آفیسر ہمایوں خان کا کہنا ہے کہ ٹریفک جام کی وجہ سے فائر بریگیڈ کی گاڑیوں کو فیکٹری تک پہنچنے میں مشکلات کا سامنا ہے، اب تک کی اطلاع کے مطابق متاثرہ فیکٹری کے اندر کوئی موجود نہیں ہے۔
ہمایوں خان نے کہا کہ آگ کی شدت زیادہ ہے، فائر بریگیڈ کی ٹیمیں چاروں اطراف آگ پر قابو پانے کی کوششیں کر رہی ہیں، متاثرہ عمارت میں روئی اور پلاسٹک موجود ہے، آگ لگنے کے باعث متاثرہ فیکٹری کی دیواروں میں دراڑیں پڑنا شروع ہوگئیں۔
دوسری جانب آئی جی سندھ نے ایس ایس پی ملیر اور ایس پی ٹریفک کو جائے وقوعہ پر پہنچنے کا حکم دے دیا۔
Leave a Reply