ابوظبی میں امریکا کی ثالثی میں 2 روزہ روس یوکرین مذاکرات بغیر کسی اہم پیشر فت کے اختتام پذیر ہوگئے۔
ترجمان اماراتی حکومت کے مطابق مذاکرات میں روسی یوکرینی حکام کا براہِ راست رابطہ ہوا ، مثبت اور تعمیری ماحول میں ہونے والی بات چیت میں امریکا کے مجوزہ امن فریم ورک کے نکات پر توجہ مرکوز کی گئی۔
روسی وزارتِ خارجہ اور یوکرینی صدر زیلنسکی نے مذاکرات کے ممکنہ اگلے دور میں شرکت پر رضامندی ظاہر کی ہے۔
یوکرینی صدر زیلنسکی نے کہاکہ روس یوکرین جنگ کے خاتمے پر ابوظبی میں تعمیری اور مثبت بات چیت ہوئی، مزید مثبت پیش رفت ہوئی تو ایک ہفتے میں مزید مذاکرات ہوں گے۔
اماراتی میڈیا کے مطابق امریکی حکام نے بھی سہ فریقی مذاکرات کو مفید قرار دیا۔
امریکی عہدیدار کا کہنا ہے کہ 2 روزہ مذاکرات میں فریقین کے درمیان بہت احترام دیکھا، فریقین روس یوکرین تنازع کا حل چاہتے ہیں۔
امریکی عہدیدار نے کہا کہ روس یوکرین مذاکرات کا ایک اور دور ابو ظبی میں اگلے ہفتے اتوار کو ہوگا، اگلی ملاقات میں یوکرین امن معاہدے کو حتمی مرحلے کی طرف بڑھائیں گے۔
Leave a Reply