لبنان کی مزاحمتی تنظیم حزب اللہ بھی جنگ میں شامل ہوگئی اور اس نے ایرانی سپریم لیڈر آیت اللہ خامنہ ای کی شہادت کے انتقام کے طور پر اسرائیل پر میزائل اور ڈرون فائر کر دیے۔
حزب اللہ نے ایران کے سپریم لیڈر علی خامنہ ای کی شہادت کے ردِعمل میں اسرائیل کی جانب میزائل اور ڈرون داغے۔
حزب اللہ نے اپنے بیان میں کہا ہے کہ اسرائیلی شہر حیفہ میں میزائل ڈیفنس سسٹم پر حملہ کیا، یہ حملہ ایرانی سپریم لیڈر پر حملے کے انتقام کے طور پر کیاگیا، اسرائیل لبنانی مقبوضہ علاقوں سے نکل جائے۔
حزب اللہ نے کہا کہ قیادت ہمیشہ اس بات پر زور دیتی آئی ہے کہ اسرائیلی حملوں کے تسلسل اور ہمارے قائدین، نوجوانوں اور عوام کے قتل نے ہمیں اپنے دفاع اور مناسب وقت اور مناسب جگہ پر جواب دینے کا حق دیا ہے۔
حزب اللہ کی جانب سے میزائل اور ڈرون امریکا اور اسرائیل کے ایران پر حملوں کے آغاز کے بعد پہلی مرتبہ فائر کیے گئے ہیں۔
دوسری جانب اسرائیلی فوج کا کہناہے کہ حزب اللہ کے پروجیکٹائلز کو ناکارہ بنا دیا گیا اور لبنان کے دارالحکومت بیروت میں حزب اللہ کے ٹھکانوں پر بمباری کی گئی ہے۔
Leave a Reply