لاہور قلندرز کی ٹیم نے تصدیق کی ہے کہ ان کے تجربہ کار آل راؤنڈر ڈیوڈ ویسا نجی مصروفیات اور خاندانی ذمہ داریوں کی وجہ سے پاکستان سپر لیگ سیزن 11 میں حصہ نہیں لیں گے۔
لاہور قلندرز کی جانب سے جاری بیان میں کہا گیا ہے کہ ڈیوڈ ویسا نےگزشتہ سات سیزنز میں لاہور قلندرز کے ساتھ ایک مضبوط اور دیرپا تعلق قائم کیا ہے اور انہوں نے مستقبل میں دوبارہ پی ایس ایل میں واپسی کا ارادہ ظاہر کیا ہے۔
اپنے بیان میں ڈیوڈ ویسا کا کہنا تھا کہ لاہور قلندرز کا حصہ بننا محض کرکٹ نہیں بلکہ ایک خاندان کا حصہ بننے جیسا ہے۔ ٹیم میں بھائی چارہ، مثبت ماحول اور ہر روز جذبے کے ساتھ کھیلنا اس فرنچائز کو خاص بناتا ہے۔
ان کا کہنا تھا کہ ٹیم اور شائقین کی جانب سے مجھے ‘مرشد’ کہلانا ہمیشہ یادگار رہے گا، میں ٹیم کے تمام افراد سے محبت اور احترام کا شکر گزار ہوں اور فخر محسوس کرتا ہوں کہ میری رہنمائی اور موجودگی نے ٹیم کے سفر میں فرق ڈالا، میں مستقبل میں دوبارہ شامل ہونے اور ٹیم کی کامیابی میں حصہ ڈالنے کا منتظر ہوں۔
Leave a Reply