وفاقی وزیر برائے مواصلات عبدالعلیم خان نے سینیٹ اجلاس میں پیپلزپارٹی کی سینیٹر پلوشہ خان سے معذرت کرلی۔
سینیٹ اجلاس میں خطاب کرتے ہوئے علیم خان کا کہنا تھاکہ قائمہ کمیٹی اجلاس میں ایک واقعہ ہوا، 24 سال سے سیاست میں کوشش کی ہر کولیگ سے احترام کا رشتہ رکھوں، کبھی ایسے لمحات آ جاتے ہیں۔
انہوں نے سینیٹرپلوشہ خان سے سینیٹ اجلاس میں معذرت کی اور کہا کہ میں پلوشہ خان، پرویز رشید اور دیگر اراکین سے معذرت کرتا ہوں، میں دلی طور پر معذرت خواہ ہوں۔
پلوشہ خان نے جواب میں کہا کہ ہم سب کی عزت برابر ہے، امید ہے آئندہ سب ممبران کی عزت کا احترام کریں گے، امید ہے آئندہ کمیٹیوں میں یہ ماحول نہیں ہو گا۔
خیال رہے کہ گزشتہ دنوں قائمہ کمیٹی برائے مواصلات کے اجلاس میں وفاقی وزیر عبد العلیم خان اور سینیٹر پلوشہ خان کے درمیان شدید تلخی کلامی ہوئی تھی۔
Leave a Reply