کراچی: سندھ کے قدیم مقام موہن جو دڑو پر کھدائی کے دوران اہم پیشرفت سامنے آئی ہے۔
ماہرین نے کھدائی کے دوران شہر کی حفاظت کیلئے بنائی گئی دیوار دریافت کرلی جس میں مرکزی شہر کے گرد کچی اینٹوں سے بنی حفاظتی دیوار دریافت کی گئی ہے۔
موہن جو دڑو پر پاک امریکا مشترکہ آثار قدیمہ مشن کے تحت کھدائی کا کام جاری ہے، 1950 اور 51 میں برطانوی ماہر آثار قدیمہ نے اپنی تحقیق میں اسے کچی اینٹوں کی بنیاد قرار دیا تھا، نئی کھدائی اور زمینی تہوں کے شواہد سے ماہرین نے اسے شہر کی فصیل قرار دیا۔
ماہرین کے مطابق یہ فصیل غالباً تجارت کو منظم کرنے اور آمد و رفت کو کنٹرول کرنےکیلئے بنائی گئی تھی۔
دیوار دریافت ہونے پر صوبائی وزیر ثقافت ذوالفقار علی شاہ کی جانب سے ماہرینِ آثارِ قدیمہ کو مبارکباد پیش کی گئی ہے۔
ذوالفقار علی شاہ نے کہا کہ یہ دریافت سندھ کے تاریخی ورثے کی عالمی اہمیت کو مزید اجاگر کرتی ہے، دریافت سے تحقیقی اور سیاحتی سرگرمیوں کو فروغ ملے گا۔
Leave a Reply