پاکستان شوبز انڈسٹری کی مشہور اداکارہ لائبہ خان نے تنقید کے بعد اپنے شوہر کا چہرہ دکھا دیا۔
کچھ روز قبل سوشل میڈیا پر لائبہ خان کے نکاح کی تصاویر سامنے آئی تھیں جو مدینہ منورہ میں ہوا تھا، تاہم انہوں نے اپنے شوہر کی تصویر اپ لوڈ کرنے سے گریز کیا۔
اداکارہ کے نکاح کے دوپٹے پر لکھے دلہے کے نام سے معلوم ہوا کہ لائبہ خان جواد کی دلہن بن گئی ہیں۔
اس کے بعد اداکارہ نے اپنے نکاح کا فوٹو شوٹ کروایا لیکن شوہر کا چہرہ نہیں دکھایا، جس پر سوشل میڈیا صارفین نے انہیں تنقید کا نشانہ بنایا۔
اب اداکارہ نے اپنے انسٹاگرام اکاؤنٹ پر مایوں کی تقریب کی تصاویر شیئر کیں، جن میں ان کے شوہر کا چہرہ واضح طور پر دیکھا جاسکتا ہے۔
تصاویر کے کیپشن میں اداکارہ نے بغیر کسی کا نام مینشن کیے لکھا کہ ‘اب خوش، ماشاءاللہ کہو’۔
لائبہ کی اس پوسٹ کے بعد پرستاروں کی جانب سے مبارکباد دینے کا سلسلہ جاری ہے۔
Leave a Reply