لاہور (23 اکتوبر 2026): پنجاب کے کرائم کنٹرول ڈپارٹمنٹ (سی سی ڈی) کے اہلکار نے لڑکی کو مبینہ جنسی زیادتی کا نشانہ بنا کر متاثرہ کی نازیبا ویڈیو ریکارڈ کر لی۔
تھانہ کاہنہ میں متاثرہ لڑکی کی مدعیت میں سی سی ڈی اہلکار محمد شبیر کے خلاف مقدمہ درج کر لیا گیا۔ ایف آئی آر کے مطابق کوٹ لکھپت کی رہائشی لڑکی یکم اکتوبر کو کاہنہ بازار گئی جہاں پرس سے موبائل غائب ہوا، موبائل گمشدگی پر تھانہ کاہنہ گئی جہاں محمد شبیر نامی سی سی ڈی پولیس اہلکار ملا۔
مدعی مقدمہ کے مطابق محمد شبیر نے موبائل فون نمبر لے کر بھیج دیا، اس نے کال کر کے موبائل ٹریس ہونے کے بہانے بلایا، موبائل ٹریس کی خبر پر پہنچی تو سی سی ڈی اہلکار ایک خاتون کے گھر لے گیا، اس نے اسلحہ نکال کر جنسی زیادتی کا نشانہ بنا کر نازیبا ویڈیو بنائی، محمد شبیر نے 10 اکتوبر کو دوبارہ خاتون کے گھر بلایا اور جنسی زیادتی کی۔
یہ بھی پڑھیں: بچوں سے زیادتی کرنیوالا ملزم سی سی ڈی سے مبینہ مقابلے میں مارا گیا
متاثرہ لڑکی ڈی آئی جی آپریشنز فیصل کامران کی کچہری میں گئی جہاں داد رسی کی گئی۔
