واشنگٹن : امریکی صدر ڈونلڈ ٹرمپ کے خلاف ’نو کنگز‘ مظاہرے شروع ہوگئے اس دوران ملک بھر میں احتجاجی ریلیاں نکالی جا رہی ہیں، مظاہروں کی کال امریکی سینیٹر برنی سینڈرز نے دی تھی۔
صدر ٹرمپ اور ان کی پالیسیوں کے خلاف امریکہ کے مختلف شہروں میں احتجاجی مظاہرے کیے جارہے ہیں، جن میں لوگوں نے بڑی تعداد میں شرکت کی اور ٹرمپ مخالف نعرے لگائے۔
امریکی ٹی وی کی رپورٹ کے مطابق اتوار 18 اکتوبر کو لاس اینجلس، ڈیلاس سمیت امریکہ کے متعدد بڑے شہروں میں مظاہرین سڑکوں پر نکل آئے۔
ان مظاہروں کا مقصد صدر ڈونلڈ ٹرمپ کی پالیسیوں کے خلاف احتجاج کے ساتھ ساتھ شہریوں کو آئندہ انتخابات میں جلد ووٹ ڈالنے کی ترغیب دینا بھی تھا۔
مظاہروں کا اہتمام ’نو کنگز‘ گروپ کی جانب سے کیا گیا، جس نے ملک بھر میں ’نو کنگز : ووٹ ارلی‘ کے عنوان سے 3 ہزار سے زائد پروگرام منعقد کرنے کا منصوبہ بنایا ہے۔
منتظمین ان پروگراموں کو غیر جماعتی اور غیر جانبدار قرار دیتے ہیں، تاہم ان میں ٹرمپ انتظامیہ کی پالیسیوں کے خلاف اظہارِ ناراضی نمایاں رہا۔
ٹرمپ نے عوام سے جھوٹ بولا، سینیٹر برنی سینڈر
سینیٹر برنی سینڈر نے مینی سوٹا میں نوکنگز ریلی سے خطاب کرتے ہوئے کہا کہ امریکی عوام سے ایران جنگ کے بارے میں جھوٹ بولا جارہا ہے ایران کے خلاف جنگ کو فوری طور پر روکنا ہوگا۔
By The Associated Press Rallies organized by the No Kings network opposed to President Donald Trump were being held Saturday in cities and communities across the U.S., with an aim of getting people out to vote early in the midterm elections. The hundred… https://t.co/f8mlmngEf0
— Capital Gazette (@capgaznews) October 17, 2026
انہوں نے کہا کہ ٹرمپ نے الیکشن میں کہا تھا کہ جنگوں میں پیسہ ضائع نہیں کروں گا انہوں نے جھوٹ بولا اور ایران جنگ میں پیسہ ضائع کردیا ایران جنگ غیر آئینی ہے ٹرمپ نے کانگریس سے اس کی اجازت بھی نہیں لی۔
ریاست کینٹکی کے شہر لوئس ول میں بھی ’نو کنگز‘ کے تحت احتجاجی سرگرمیاں دوبارہ منعقد کی گئیں۔ اس سے ایک روز قبل ہفتہ 17 اکتوبر کو سینٹ میتھیوز کے علاقے میں فرینکفورٹ ایونیو پر مظاہرین جمع ہوئے اور صدر ٹرمپ کے خلاف احتجاج ریکارڈ کرایا۔
مظاہرے کے دوران ’کینٹکیانا ریزنگ گرینیز‘ اور ’گرمپی گرامپیز‘ نامی گروپوں سے وابستہ افراد نے گانے گا کر صدر ٹرمپ کی پالیسیوں کے خلاف اپنا احتجاج ریکارڈ کروایا۔ مظاہرین سڑک کے کنارے کھڑے ہو کر نعرے لگاتے اور اپنے مؤقف کا اظہار کرتے رہے۔
ٹرمپ کے حامی کی اچانک آمد
اسی دوران ایک دلچسپ صورت حال بھی دیکھنے میں آئی جب ’ٹرمپ 2028‘ کا جھنڈا اٹھائے صدر ٹرمپ کا ایک حامی مظاہرین کے ہجوم کے درمیان سے گزر گیا۔ ٹرمپ مخالف مظاہرین فرینکفورٹ ایونیو کے کنارے موجود تھے، جبکہ ٹرمپ کا حامی ہاتھ میں جھنڈا لیے وہاں سے گزر رہا تھا۔
’نو کنگز‘ مہم کے تحت ہونے والی سرگرمیوں میں منتظمین شہریوں پر زور دے رہے ہیں کہ وہ انتخابی عمل میں بھرپور حصہ لیں اور دستیاب سہولت کے مطابق جلد ووٹنگ کریں۔
ملک کے مختلف شہروں میں ہونے والی حالیہ سرگرمیوں نے ایک بار پھر ٹرمپ انتظامیہ کی پالیسیوں کے خلاف موجود سیاسی اور عوامی ردعمل کو نمایاں کردیا ہے۔
